Luksusbaguette

Nordmenn et mykje brødmat, og ser ut til å ikkje overleve utan den grove brødskiva. Sjølv om det finnast mykje godt vanleg brød der ute, blir ein litt lei av og til. Då er det godt med ein luksusbaguette til avveksling

Til ein porsjon treng du;
ein baugette eller anna godt småbrød
ruccola eller anna salatblad
nokre skiver spekeskinke, fenalår eller anna god delikatesseskinke
kremost (gjerne med smak t.d. pepar, krydder, urter e.l)
1/2 avokado
litt paprika
salt og pepar

 Eg brukar gjerne dei halvsteikte grove baguettane som finns i butikkane, men har ein eit godt bakeri i nærleiken er det eit supert alternativ! I alle høve, er ikkje baguetten ferdig steikt, må ein jo sjølvsagt gjere det først (følg instruksen på pakka).

Mens baguetten avkjøler seg litt, vaskar ein salataen og legg den til tørk på eit kjøkkenpapir.

Del bagetten i to på midten, og del den på langs og brett ut som ei bok. Smør kremost på både botn og toppen av baguetten. Fordel salat på botn, og legg på pålegg, ver gjerne raus!

Ein moden avokado er mørkbrun, og gir litt etter når ein trykkjer forsiktig på den. Butikkane har ofte ferdig modna avokado i pakkar på to. Del avokadoen på langs, og vri lett. Når ein berre skal bruke halve avokadoen, let ein steinen stå i, då held den seg lenger. Skrap ut avkoadoen du skal bruke med ei skei. Skjer avokadoen i tynne skiver og legg oppå. Dra nokre drag med svart pepar over med peparkvern, og ev. litt salt (avokado smakar ikkje så mykje i seg sjølv). Legg paprika skiver oppå og klem toppen på.

Et ein ikkje ein heil baguette, kan ein godt lage til resten til niste.

Ein kan sjølvsagt bruke andre grønsaker på baguetten, om ein har nokre favorittar. Grøne oliven med kvitlauk i skiver er ein favoritt. Eller bruke sånn svidd og flådd paprika, i staden for frisk paprika. Det er berre fantasien og ganen som set grenser for kva ein kan ha på!

Vel bekome!

P.S. Avokado er svært sunt, her kan du lese om fordelane; Sju gode grunnar til å ete avokado